佢哋個滷水鵝拼盤（原價$188，而家仲有9折！）抵食到爆，
份量多到夠三、四個人食，仲要樣樣都入味到不得了，
一打開盒就聞到陣陣滷水香，忍唔住即刻裝飯！
個拼盤勁豐富，有齊招牌滷水鵝、鵝肝、鵝腎、豬耳、
豬大腸、墨魚、豆腐、紅腸同埋雞蛋。滷水鵝肉質軟淋，
滷得啱啱好，唔會過鹹；鵝肝甘香滑溜，豬大腸清理得乾淨又彈牙，
連平時怕內臟嘅朋友都讚好！最正係佢哋嘅滷水汁，
香得嚟帶少少藥材同香料味，唔會死鹹，撈飯真係一流。
另外要讚師傅細心，所有食材分開放得整整齊齊，
仲跟咗獨立滷水汁同酸汁，方便返屋企慢慢點。
酸汁清爽解膩，同滷味出奇地夾，食多幾件都唔滯。
整體嚟講，呢個價錢做到咁高質，真心抵讚！
食完心思思想再encore～
拼盤食品包括：
招牌滷水鵝
鵝肝、鵝腎、豬耳
豬大腸、墨魚、豆腐
紅腸、雞蛋
餐廳：一品滷味
地點：北角英皇道301-319號麗宮大廈地下5號舖
*凡出示殘疾人士登記證，只要消費，即享有八折優惠，再送飲品。*
