瀛風 (啟田市場) (已結業)

本身我自己都幾鐘意食日本野，呢排又無得去旅行止癮，所以成日周圍留意有乜壽司、丼飯好食。我留意到係我住附近叫間叫瀛風既小店，佢啲壽司好新鮮，好肥美，雖然價錢唔係話好平，但絕對值得比。今次經過又買左啲壽司黎食，三文魚腩壽司、芝士飛魚豬扒卷、彩虹卷同吉烈蝦卷！買完先見到全部都差唔多顏色🤣🤣🤣4款壽司高水準，唔會令人失望！佢d壽司都算大件，飽肚！三文魚腩肥美、囗感飽滿。豬扒卷同吉烈蝦卷，係飯入面依然好香脆。彩虹卷用上三款魚刺身，新鮮、一次試三個口味！