家賀屋刺身寿司專門店

一出地鐵站就接到張傳單😳自從知間舖搬咗，都係上去路過下🙉見有電視框，一於上去試埋🙈門口所見，氣氛唔錯不過今晚冇乜客🙊莫非因黎生嘅外圍力度太強勁？雖然人流稀疏，勝在可以安安靜靜咁食餐飯😋黃金舟即係腐皮上面加三文魚同沙律醬，火炙後再加飛魚籽，口感豐富，幾特別；左口魚裙邊係矝貴食材，師父嘅處理好專業，略少海鹽加火炙後被逼出來嘅油份，入口即化嘅感覺，真係食完都唔知食曬啦😋真係好想encore𠻹！喜出望外嘅係特上海膽軍艦，產地加拿大，食落仲有淡淡嘅海水味，我鐘意呢種fresh感覺，帶點甘甜，值得推薦。最後迫不及待想送落口嘅係軟殼蟹手卷，夠曬香脆，醬料幾好味，不過可惜，d紫菜淋咗少少，需要改善。因為張傳單😊我有個九折優惠，雖然係加一後再九折，但以咁嘅環境及質素，185蚊落樓，😋😋😋值回票價。題外話：見當晚人流麻麻，d員工都好落力咁斟茶遞水，服侍周到，確實係齋坐都覺得舒服，讚！