老趙 (已結業)

好耐之前食過見依個商場新開就三人行決定一試。先嚟係蝦餅。正常蝦餅味。三十幾蚊細舊到差啲睇唔到。唔抵食。咖喱牛腩配蒜蓉包。牛腩份量都ok有幾舊薯仔。牛腩都稔同唔會攝晒落牙罅。蒜蓉包同咖喱食好夾。咖喱唔辣。味道正常。雞肉豬肉串燒。香港食串燒其實好唔抵。又貴又小。燒得幾好味但竟然係辣醬唔係沙嗲醬(一廂情願)。失望。生菜肉碎包。肉碎幾辣吓。食食吓又ok幾惹味。包埋生菜食健康少少。蟹肉炒飯。蟹肉唔算多。成個飯味道唔濃。側邊啲粉又辣。不過炒得唔太油。整體都可以。椰汁冰同咸檸7。咸檸不錯。係正常嗰啲味。如果想食吓越式嘢都可以試吓。所有嘢都正正常常。