麥金.麥金馬來西亞特式茶啡室 (已結業)

今次食既野唔太多，有白咖喱米線、咖喱雞椰漿飯同埋炸滷肉卷😂講左好既先😆個炸滷肉肉卷個外皮係夠香脆，而且滿口滿滿既肉碎好似泰式肉碎包咁😋有香料味都夠重☺️跟住重點黎喇❗️個椰漿飯唔知係唔係咁岩我個碟係咁定咩啦😂😂😂十分乾，加埋醬撈黎食都係乾😭食落去比較削唔係飽滿既飯粒🙃個雞先係極品😱食落去令老人家我諗起細個讀中學一班同學仔去大x樂食一哥豬排飯，但自己為左慳錢叫個個所謂既白汁雞皇飯🤪係經典既雪藏肉🤮白汁掩蓋唔到個雪味都正常呀，佢咖喱都掩蓋唔到隻味👻sorry 地球我對唔住你，我真係食唔落👉🏻👈🏻食左一啖就放棄左啲雞......整體黎講計埋個配菜都係冇蘇媽蘇媽個個飯咁正🙈.白咖喱就係淡淡既椰味再加自己調味既辣醬，個名係特別，但食落係冇咩特別咁😂🙈係唔係我食唔中佢既招牌菜所以咁？其實呢兩間野係有咩分別😂有咩關係？可唔可以講我知❤️