養心殿台式養生鍋 (已搬遷) 新店位置

同同學仔gathering, 係咁凍既天氣下，大家都prefer 烚下烚下！我即刻建議養生鍋！之前九月食過呢間，當時已經覺得冬天食呢間有藥材湯底既火鍋最好不過！呢間火鍋食物選擇都多！不過真係book 枱比較好，因為我地入去既時候好多人等位！全女班就緊係揀美人鍋✌🏻另一半就係麻辣湯底，我地揀咗中辣真係好辣，食食下頂唔順整走咗好多辣椒再加湯底就啱啱好，建議小辣比較啱大眾口味😹我地烚烚下先醒起上次我食既時候老細教先飲湯，就算烚咗野再飲美人湯都仲係覺得好好飲👍🏻 等既期間上咗個鹽酥蚵仔，炸得好好食！香脆又有蠔味！極上雪花肥牛，係有少少貴，不過尚算大碟，又勝在好有牛味，唔會一碌就散！無論配美人湯或者麻辣都好味！厚脂黑毛豬梅花肉，同肥牛一樣咁大碟而且好食👍🏻日本牡蠣，好大隻呀！好好食呀⋯⋯同埋呢個價錢好抵食！手工丸類拼盤，好啱咁多個人打邊爐食呀！有不同口味，而且食得出唔係麵粉打成既丸，真材實料！雜錦蔬菜盤，芋絲，金菇就不過不失啦！食到停晒手既時候有個侍應話請食雪糕！緊係好啦！我上次食完個榴連味一直念念不忘，今次我都係鍾情榴連味，真係啖啖榴連味！散叫打邊爐雖然比起任食貴，不過呢間就真係覺得值呢個價錢