割烹 炑 (已結業)

今日食lunch set，真係第一次晏就食咁貴，好彩都無失望！#頭盤🥚茶碗蒸，個人口味唔特別喜歡茶碗蒸，但老實講呢間啲蛋蒸得好滑，好香蛋味，值得一食既。#刺身🐟薄切左口魚，由左食到右，左邊兩塊可以點酸汁，最後既可以點豉油，不得不說直係切得好透薄，刀功好深厚！好清爽，加埋啲汁，更加提鮮！🦪北海道昆布森生蠔，配土佐醋啫喱，都係好新鮮，好重蠔味🫶🏻🐟日本魷魚，整到成個飯團咁🍙，好得意，食落好爽口，都唔錯👍🏻🐟赤身，包住啲拖羅蓉係入面，雙重口感，油脂較重🤤食完刺身有個 #鱧魚湯，魚唔腥，湯好清甜，都👌🏻啦！#天婦羅炸海鰻魚，連骨頭也可以吃，肉質好嫩唔會炸到乾曬，條骨先係重點，脆到似食薯片咁。#野菜八方煮食完油膩野，食翻道菜中和下，有三文魚籽、靜岡蕃茄、茄子、秋葵、菇🍄都👌🏻其實，食到呢度我已經飽飽地，再食呢款 #甘鯛 有少少滯左，但食食下又食得曬，由於調味唔多，食到原汁原味，加上連埋鱗一齊燒，鱗片都食得！最後啦，仲有#和牛飯 同 #面豉湯，基本上呢個set係一定夠飽，細食少就已經食唔落咁濟，但呢個滑蛋和牛飯份量唔多，啱啱好，牛肉食落竟然好爽口。面豉湯就稍為咸左啲！#甜品 埋尾，椰子雪糕加紅糖，