スーパー丼 (駱克道) (已結業)

之前見到好多日本餐廳推出丼飯，都會即刻去食，但係好多都係味道麻麻，冇邊一間印象深刻。同埋大家都知一分錢一分貨，唔可以貪平，因平野無好野！最近喺網上見到呢一間好紅嘅丼飯，而且餐廳裝修以白色、木為主，正合我心意！今日平日，但都驚會多人，所以我地六點半就到餐廳，開門都見到幾乎滿座，所以我哋都被安排坐吧枱。Menu 設計簡單，好容易睇並且一目了然！心大心細嘅我，同男朋友揀咗好耐！決定叫北海道玉子黑松露和牛丼&火焰三色丼！再加左$20轉定食！先來左男朋友嘅火焰三色丼！因坐吧枱嘅關係，可以見到師傅如何整丼飯，見到佢用火槍燒三文魚、中拖羅同左口魚背，已經好期待！夾起每塊sashimi ， 好大塊，一啲都唔吝嗇！三文魚切得好厚，紋路均勻。男朋友話左口魚油脂爆滿，燒過後比刺身好味好多，拖羅入口即融，呢啲真係要新鮮先可以做到！想食和牛好耐啦，呢一個竟然有埋黑松露！先食一塊無沾蛋汁既和牛，有淡淡既黑松露味，和牛口感嫩滑，油脂不算多，兩者味道都夾到，無遮蓋其味道！再沾一塊蛋汁既黎食，口感更滑溜，但黑松露味道只留下一點兒！不過和牛份量都幾多，所以一定夠配飯！+$20既沙律和麵豉湯都唔錯，份量適中，沙律上更放了蟹