28
37
17
等级3
70
0
2014-11-06 1239 浏览
是日有活動睇live, 排隊等開場時係戲院隔離吃個簡單的tea諗住求其搵間餐廳算,對比左隔離幾間, 呢間比較貴心諗橫掂都係,食好少少吧~坐底,靚女侍應姐姐問我食咩,我就叫左個煙三文魚意粉同朱古力奶昔鋪頭冇咩人,可能假日下午時間,同埋九龍灣一般的印象係死城...等左約15-18分鐘左右,唔快唔慢,諗住食完拿拿臨去睇show點知一食...就令我對"食"重新有個定義講真呢個價錢唔平,但係質素真係唔錯, 可以媲美百幾二百蚊一個餐的餐廳煙三文魚意粉好精心,有隻生雞蛋俾你撈埋一舊, 意粉煮得恰度好處,彈牙有咬感, 做到一種感覺係你食緊的係意粉而唔係茶餐廳果D充大頭鬼的美國麵...(果D"意粉"既冇意粉味,而且一咬就散,仲衰過食米線,起碼米線冇果陣好勁的麵粉味,同埋都冇咁淋同散)食到雪雪聲,而且D汁液唔會彈落件衫度,呢D先叫意粉~(換轉番工食飯時間去茶記叫碟肉醬意,雪雪聲之後件恤衫肯定好似案發現場咁彈到一達達)而且果D汁同雞蛋撈埋一舊,更散發出果種濃烈的汁液味...好食~D煙三文魚可以話係煙三文魚, 唔會好似普通西餐廳咁太過雪藏味或過咸扮新鮮,總之你會覺得自己係食緊一條煙三文魚食完,好滿足~飲埋杯朱
更多
是日有活動睇live, 排隊等開場時係戲院隔離吃個簡單的tea

諗住求其搵間餐廳算,對比左隔離幾間, 呢間比較貴

心諗橫掂都係,食好少少吧~
坐底,靚女侍應姐姐問我食咩,我就叫左個煙三文魚意粉同朱古力奶昔

鋪頭冇咩人,可能假日下午時間,同埋九龍灣一般的印象係死城...

等左約15-18分鐘左右,唔快唔慢,諗住食完拿拿臨去睇show
41 浏览
0 赞好
0 留言
42 浏览
0 赞好
0 留言
48 浏览
0 赞好
0 留言
點知一食...就令我對"食"重新有個定義

講真呢個價錢唔平,但係質素真係唔錯, 可以媲美百幾二百蚊一個餐的餐廳

煙三文魚意粉好精心,有隻生雞蛋俾你撈埋一舊, 意粉煮得恰度好處,彈牙有咬感, 做到一種感覺係你食緊的係

意粉而唔係茶餐廳果D充大頭鬼的美國麵...(果D"意粉"既冇意粉味,而且一咬就散,仲衰過食米線,起碼米線冇

果陣好勁的麵粉味,同埋都冇咁淋同散)

食到雪雪聲,而且D汁液唔會彈落件衫度,呢D先叫意粉~
(換轉番工食飯時間去茶記叫碟肉醬意,雪雪聲之後件恤衫肯定好似案發現場咁彈到一達達)

而且果D汁同雞蛋撈埋一舊,更散發出果種濃烈的汁液味...好食~

D煙三文魚可以話係煙三文魚, 唔會好似普通西餐廳咁太過雪藏味或過咸扮新鮮,總之你會覺得自己係食緊一條煙三文魚

食完,好滿足~


飲埋杯朱古力奶昔, 呢杯野就差少少,比較淡左D(不過可能日式野係咁,因為之前去果D又係淡口), 合格, 唔太甜,唔太冰

(個餐湯都好飲, 唔會太過濃同都唔會過淡,健康)

今餐可以話滿足, 不過銀包都好沈重-_-

(總結: 90/100分)
36 浏览
0 赞好
0 留言
(晒命XD)
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2014-09-27
等候时间
15 分钟 (堂食)
人均消费
$200