一寿司+ (已結業)

星期六午餐同細佬去左呢度食豪d , 佢講起之前同d朋友仔唔知頭唔知路去左明將諗住是但食返個平價壽司 , 點知完全係難食到嘔 , 仲當住d侍應面前彈到一文不值 , 哈哈哈~~~所以我今次呢個介紹佢食得好滿足 , 一路食一路勁讚。 三文魚壽司 北寄貝壽司 特長海鰻壽司 蔥金倉魚魚腩軍艦 海老天婦羅卷 日式餃子(5件) 蝦天婦羅 火炙三文魚壽司細佬最後覺得海老天婦羅卷係最好食 , 成碟佢一個人清哂 , 不過我就冇試到個玉子燒啦 , 因為佢地落漏左單 , 又唔想再等10幾分鐘就係為左食蛋 , 兩個人埋單+小費都係二百蚊有找 , 真係抵食。