牛牛台式鴛鴦火鍋

营业中

休息中

第一次食依間廳就竟已經好震撼，在於等位竟然要成個鐘，好在外面大堂坐位充足，否則真係等唔到佢咁耐。等咗咁耐已經餓到扁曬，碌落第一塊牛已經令我充分體會到等咁耐係冇白等!海底撈湯底濃郁材料夠足， 麻味夠重辣味夠鮮，係我喺香港食到嘅火鍋放題裡面湯底最貼近台灣正宗風味麻辣鍋嘅😍對我嚟講，一個好嘅湯底已經可以搭到好多其他方面不足，但估唔到佢材料竟然都相當唔錯， 個人認為第二同第三種牛肉最好食，第一種就略嫌肥咗啲， 牛小扒厚度適中入口牛味淳厚，大讚👍最值得一提嘅係配料當中嘅牛筋, 滾一陣間已經軟淋淋，好似啫喱一樣，完全吸收曬個湯底嘅精華，食落口好似食左成嚿骨膠原嘅感覺，美中不足嘅係，牛筋上面偶爾會見到有毛，衛生不足有啲令人嘔心，有待改善。