明星海鮮酒家 (已結業)

都有一排無嚟明星海鮮酒家飲茶喇,究其原因~怕等位囉。除非早去等,否則無番個半至兩個鐘都唔使止意有位,點解要等咁耐?!係人都知因為款式多、價錢平、味道算唔錯,客量自然多。但內有乾坤,你地又知唔知呢~原來有某d食客自己上去搵位,一見有吉位就坐,跟住單聲俾相熟既侍應就ok『今日我上午11:30(算早)攞飛,12:15左右先有位,未坐低已有位叔叔猴住我張枱,問相熟既侍應坐唔坐得,個侍應話客人上左黎,搵下張啦,死未@@?!!!!!』,難為樓下班客人等了又等…希望佢地可以正視下呢個問題!!!我同爸媽三個人隨意叫左6碟點心,一碟炒河,盛惠$164.- 真係好抵食:-P三色燒賣: 蟹籽燒賣食得多,今次試食三色。其實係三粒豬肉球上面分別放上蟹柳、魚旦、香姑姐,大大粒但味道麻麻,早知食番蟹籽燒賣好過。蝦餃: 好多蝦, 好食!鳳爪: d汁好入味, 唔錯!排骨: 蒸得d肉好滑。雞扎: ok薑蔥牛栢葉: 切得細細塊,好爽口。豆腐班腩炒河: 豆腐好大件,班腩好味,炒得好好食,$38碟算抵食…如果唔係要等咁耐,我地實當飯堂咁嚟…