皇茶冰室 (已結業)

网上有人话过希望女朋友有刘心悠嘅面孔、陈法拉嘅笑容、雷凯欣嘅身材、何家淑女嘅后台......而我家嘅A姐当然就有齐以上嘅所有嘢喇，虽然后台就无何家咁劲，但都叫做有我M佬帮佢撑腰架！而更好嘅系去边食饭佢都无所谓，就算叫佢陪我食茶餐厅快餐店大排档，佢食嘢个样都好满足架（当然我就知佢最钟意日韩菜啦），而今日我哋就去咗荃湾食皇茶冰室，试吓久违嘅港式味道。鲜茄焗猪扒饭焗猪扒饭可以话系港式餐厅必有嘅名菜，即叫即焗，上枱热辣辣，而份量一啲都唔少，猪扒够腍又唔会焗到干晒，而茄汁味够开胃，唔错！法兰西多士除咗焗猪扒饭，西多士都可以话系港式餐厅嘅另一代表作，又系即叫即炸，食落好香口又唔会话油淋淋，正！椒盐鸡翼鸡翼表面好脆口，椒盐味够晒，不过，肉质就相对较淡，可能要腌耐啲喇。龙凤柠乐以前去冰室茶记都离不开奶茶、咖啡同鸳鸯，但近年就多咗好多花款，好似龙凤柠乐，酸酸甜甜，系我的最爱。热奶茶呀爸教落，冰室茶记留唔留得住客人，最重要就系杯奶茶，钟意茶味够浓嘅我，呢间绝对留得住我！