金田長壽司 (已結業)

今個聖誕節因為我唔係太舒服,留係屋企休息,本來都無打算點過嫁...而且男朋友又忙,節日都無假放問到佢聖誕節會唔會有O的咩安排佢都話無,但係估唔到聖誕節當日佢突然一個電話打黎就問我出去食飯行下好唔好~但係又話自己仲返緊工...我仲訓到懵懵懂懂咁,心情又差咪發佢脾氣囉點知佢叫我開門,一開門就見到佢係門口拎住隻WINNIE THE POOH公仔成個傻佬咁...即刻咩火都無晒啦,我問返佢諗住同我去食咩,佢話總之去到就知...佢知道我鍾意食日本野,帶左我黎哩間金田日本料理,哩度係我第一次黎,覺得位置有O的難搵,不過都有聽朋友介紹過,一去到見到有人排緊隊...我心諗我仲唔舒服緊唔係仲要我排隊排...好彩男友今次醒目訂定位,所以等一陣就有位啦!見到餐廳入面O的聖誕裝飾幾別緻,雖然門面同裝潢唔係太GRAND,但係反而覺得幾WARM!唔知係侍應專登安排定係咁岩啦,我地枱上面放住一朵金色O既聖誕花裝飾...因為我喉嚨痛所以男朋友幫我點O既都係以刺身同壽司為主,我本來見到餐牌有個長鰻魚壽司嫁,但係男友話怕熱氣所以唔比我點...一黎到見到個長壽司盛真係好長呀..整體黎講刺身都好新鮮,不過我最鍾意都係個海膽刺身