平成二十二日本料理 (已結業)

今次係第一次上Openrice寫食評，平時都唔會寫，但今次真係谷到一肚氣唔寫大家會唔知呢間食肆服務有幾好。一行3人於昨晚8:30準時到達平成滿心期待今晚的放題晚餐但就換來一肚氣，事緣餐廳安排我吔坐入一間房，而房間是招呼2枱客人，我吔一坐底即刻點嘢食，但坐咗好耐都等唔到最簡單的刺身或壽司上枱，但隔離枱就猛咁上食物，心諗明明係我吔點先有咩理由佢上得咁快，我再看看份量感覺好似係屬於我吔(因為另外個枱起碼有10人)，直至8:55分有個待應知道我吔的食物單同隔離混淆咗就同我吔講會即時跟單，當時好欣賞佢啲反應敏捷都算係咁，點知等到9:25分仍然未等到刺身或壽司，只係得啲零碎熟食給我們，跟住我已經忍無可忍叫個侍應叫佢經理來，並寫下我食個啲咩嘢食叫佢計返條數我埋單走，跟住個主任走埋離仲問我吔有冇食過刺身或壽司，跟住輪到經理埋嚟仲攪笑到問有咩幫到我吔，我同佢講你的侍應見嘢食就放係隔離枱，完全唔睇枱號，跟住發現自己調錯咗枱號食物又話幫我跟單但過咗半個鐘都未見到刺身到枱，最攪笑個經理話唔知點解會咁，自己都唔知點做好，我就同佢講你吔知道調錯單應該幫我吔優先處理入返單唔係由頭排個隊，同埋要培訓班侍應傳菜認清枱號