入去叫外賣，見到環境都幾好， 全間食炸野但係唔會一陣油煙味， 等候時間為5分鐘左右，真係算快。
叫左外賣menu裡面個燒汁吉列雞排飯，$39唔包野飲，再加多隻蝦。 返到公司開埋飯盒唔洗5分鐘，個飯唔係特別暖，室溫啦一d都唔熱。 依個飯多菜超少飯，比吉野家下午茶個飯更加少，但係由於雞排勁大塊然後再ok多菜，油炸食物易膩，足夠令你飽呢。
燒汁唔算多， 雞排稍微‘葉’肉粉太多，破壞曬肉質，口感鬆散，先食到稍微帶油炸味然後一團說不出感覺層次的肉，真心一般般啦， 假如抱著$39抵食或者頹飯準則就pass啦。
1
