榕記車仔麵 (已結業)

榕記雖然不在屋企附近，佢嘅胡椒豬肚湯胡椒味夠濃，有少少辣，很對姐的口味，如果唔係好食得辣嘅朋友就不要選這款了。上次生病，無法食到胡椒豬肚湯，所以一好返就要回來食， 湯裏面仲有豬肚，變相多咗一個餸，豬大腸係每次必叫，食車仔麵一定要食豬紅， 鳳爪都唔差。$50 1個麵3餸，加$5熱豆漿, 好滿足。老公都係好鍾意佢既胡椒豬肚湯， 佢話豬手好好味，冬天食蘿蔔係絕配， 點少得豬大腸，佢特別鍾情呢度嘅粗麵，每次食都會叫粗麵。每次嚟到，伙記態度都好好，親切有禮, 所以我都好鍾意特登過嚟食。