Circle (已結業)

今日下午諗住到亞士厘道搵一間有情調o既餐廳同朋友慶祝生日，單看呢間餐廳o既裝飾同氣氛的確很吸引。結果，我地亦揀左呢間餐廳食午餐。點了Set Lunch 後，d waiter都有禮貌地送上餐湯。但飲左一啖之後，我地都發覺d羅宋湯好油，另外朋友點的忌廉湯就好鹹。我地各人都冇飲晒d湯，之後亦都反應左俾d waiter知，個waiter仲話會俾返個折我地，咁我地都諗住算，心諗個main course可能會好d。上左個main course之後，我地都小心翼翼咁先試左個味先。結果，一塊薄牛扖就"刃"都入唔到口。另外一個焗豬扖飯就又甜又酸，都唔係正常o既焗豬扖飯。最後，亦都係最離普就係杯野飲有d好似"鑊銹"o既黑色野係入面，即刻叫個waiter黎睇下同埋搵過杯。係我地未嗌埋單o既時候，突然間個waiter 拎張單埋黎，好似趕客咁，心諗都算，橫掂都會去過第二間食過。拎張單一睇，先前個waiter話俾返個折我地，點知只不過係九五折，連九折都冇。雖然唔係為左個小小錢，但係作為一間食肆，d野食都已經唔好食，仲好似有d唔係咁乾淨，之後仲要同我地拗佢地d野食冇問題，想我再幫襯都好難。