北海丼 (已結業)

話說有一日同同事喺太古城中心做完嘢，一路諗食咩嘅時候，我就一路講好想去日本旅行！行行吓見到呢間日本餐廳，望入去好寬敞，感覺幾舒服就入咗去食！
打開佢地menu好多選擇，而佢哋都有一個lunch set Menu，全部都好吸引！
最後我同同事都揀咗一個有齊我喜愛嘅飛魚籽同海膽同松葉蟹嘅北海三色丼！

北海三色丼

$158

一上餐望到都覺得正啦！佢有個小前菜-腌青瓜，味道幾好，好開胃！
之後就開始食過北海三色丼啦！入邊有松葉蟹，飛魚子，蝦同海膽！食落新鮮，又足料，唯獨是海膽比較小，但係以呢個價錢其實都性價比高！

總括一下，呢度嘅服務態度，食物同環境都好好！如果再喺太古坊做嘢都會Encore
好彩都叫滿足到我想去但未去日本旅行嘅心呀