韓珍 (寶勒巷)

营业中

休息中

食韓牛，就當然黎韓珍。今日我同朋友揀左呢個八方美人（$588），齊曬雞、牛、豬、海鮮，滿足各位食肉獸！海鮮方面絕對唔野少，有鮑魚、仲有大大隻蝦！店員會幫手剪開啲肉，分開燒，所以我地安座座位就掂曬。啲海鮮真係高質，只要掌握到燒嘅時間，真係超爽口彈牙！前菜非常豐富，除左基本嘅泡菜、醃青瓜等等，仲有蛋薄餅。呢個蛋餅係放係鐵板上，不過時間耐左會有黏底。韓方牛肋骨湯（$138）呢個有啲牛肋肉、又有粉絲，骨湯底唔算鹹，帶蘿蔔味，好韓風嘅一道湯。最後食完肉類可以食埋啲菇，不過實在太飽食唔曬！