影片
更多
2016-10-02
98 浏览
自從出黎做野之後，朋友耐無見一約到就緊係想食好d坐舒服d傾耐d，咁就揀左間呢排都幾HIT既蒸氣鍋店黎獻出我既第一次（之前以為蒸氣鍋同打邊爐差唔多），咁食完我覺得係好正既，因為佢Ｄ食物全部係有配晒醬料、全部都好入味，因為佢有得好似打邊爐咁自己出去揀醬料而Ｄ款係超級齊，所以Ｄ野未黎到我地就懶醒出去執好晒自己碟醬汁，點知Ｄ野食黎到我地就咁食已經夠味重要係好入果隻。所以我奉勸各位可以試左Ｄ野食先，唔夠味再出去執醬料，唔洗好似我地咁浪費晒。咁我地幾個都係第一次去，上到去見到環境都好寬敞同企理，同埋真係有返Ｄ水上人既特色係度。佢個鍋係用個水上人帽狀既蓋，民族味即刻出晒黎，又真係幾突顯到自己個店名。咁坐低之後就同D FD傾下有咩食，咁初黎步到都問下Ｄ伙計有咩推介，佢地都好好禮貌答我地同好好服務！唔講咁多直接去相！首先黎既係大元貝皇，叫左黑松露同蒜茸味，鮮味十足既。黑松露唔係其他地方點兩野比你就當係，真係有一pat係面既，所以鐘意黑松露既朋友就有福啦，食完會十分滿足！而元貝都蒸得岩岩好，又無太un又無太生痴住個殼。呢碟就係我地唯一一碟熟食小抄－避風塘炒蝦，咁我地都係比避風塘吸引左而叫。結果係OK既，食
咁我地幾個都係第一次去，上到去見到環境都好寬敞同企理，同埋真係有返Ｄ水上人既特色係度。佢個鍋係用個水上人帽狀既蓋，民族味即刻出晒黎，又真係幾突顯到自己個店名。
咁坐低之後就同D FD傾下有咩食，咁初黎步到都問下Ｄ伙計有咩推介，佢地都好好禮貌答我地同好好服務！唔講咁多直接去相！首先黎既係大元貝皇，叫左黑松露同蒜茸味，鮮味十足既。黑松露唔係其他地方點兩野比你就當係，真係有一pat係面既，所以鐘意黑松露既朋友就有福啦，食完會十分滿足！而元貝都蒸得岩岩好，又無太un又無太生痴住個殼。
呢碟就係我地唯一一碟熟食小抄－避風塘炒蝦，咁我地都係比避風塘吸引左而叫。結果係OK既，食到避風塘果種風味同埋夠辣既，另外重有Ｄ炸茄子偷偷地混左入去十分好味，重入味過Ｄ蝦。
呢碟 － 黃金汁紐西蘭蟶子皇可以話係吸引左我去食呢間店既主要原因，小弟見到有師兄貼Ｄ蟶子上黎又大條又多汁，即刻流晒口水想去試一試，結果當然無令我失望，黃金汁好辣，蟶子好爽口，相當有口感，差ｄ就忍唔住要enore。
珠江奄仔蟹（而家係FB打卡+Share一人送一隻相當抵) － 大隻、多膏、多肉、鮮甜。對於我呢ｄ唔係食蟹既專家黎講，好易食，唔洗又鉗又剩都搞得掂。
黯然銷魂魚 － 呢條魚真係貪過引叫，但係估唔到係成餐最特別既一道。條魚加埋薰衣草落去一齊蒸，所以食果陣會有陣陣既花香味，好特別，而肉質亦好滑，所以唔明點解叫黯然銷魂，我就話食完好鬼醒神！
最後呢一個係 － 手打四寶丸，咁蒸完呀姐都好好服侍，用迅雷不及掩耳既速度幫我地剪開晒方便我地分，所以我地影都影唔切，見到下面果張已經係比佢炒緊咁樣咁四寶分別係豬肉丸、牛肉丸、蝦丸同墨魚丸，假ｄ都要講句，係爽手彈牙既，證實係真手打同用料十足。
最後埋單都係千二蚊，平時去打個邊爐四個人都要啦，呢邊係食海鮮！係食海鮮呀！真係性價比高好多囉！
张贴
