摩豆

营业中

休息中

好耐冇行過旺中，見到呢間雞蛋仔menu吸引，口痕痕就買個班蘭雞蛋仔（$21）試吓啦。見號碼只係四個，點知等等等等等，等咗20分鐘先有，原來中間仲有個foodpanda整成六七個雞蛋仔。早講要咁耐，我就行吓再返嚟啦。等咁耐，以為慢工出細貨，點知一拎上手係咁：整得咁肉酸嘅再睇落啲……嘩！直頭蓮蓬圖咁根本冇心機整。趕交貨都唔係整到咁吖。味道方面好驚喜，係驚喜地差。外脆內軟做唔到，完全係空心雞蛋仔，班蘭味係香精味。$21唔算平，賣相唔得又難食再加等咁耐，冇下次。中晒伏。