六十六十火鍋 (已結業)

今個冬天已經食過雞煲、台式火鍋，所以決定食個特別D既粥底海鮮火鍋。以前一直都以為只有〈鍋心〉，但認真搵資料，發現而家多左好多類似既火鍋店!! 😮最後揀左呢間價錢比較實惠既〈六十六十〉。醬料唔算多，但乾淨新鮮，其中有一款好似薑既野，我估應該同海鮮好搭，不過唔岩我口味。今次點左蕃茄濃湯底($200)而非粥底，因為想試最後果個脆米泡飯🤤。餐廳無完全set死海鮮既種類，食客可以按自己喜好選擇，魚、蝦、蟹、貝類、鮑魚等，好似我唔中意食魚，就可以揀其他，比〈鍋心〉更彈性。八款海鮮中，最有驚喜係鮮魷魚😮，厚肉、彈牙、有魷魚味，按餐廳指示煮大約30秒，魷魚唔會過分地縮水，亦唔會煮到太老變韌😋。大蝦蝦肉結實有蝦味。肉蟹無其他食客講既咁多膏，而且偏瘦，無乜肉😣。兩款貝類都唔錯，雖然唔飽滿，但勝在無沙，隻隻都食得。聖子皇大隻，入口啖啖肉。只可惜我地煮耐左而變韌，嘥哂….😣鮑魚彈牙，帶子普通。食食下，職員話今日有新鮮魚鰾$30，其實平時我好少食呢樣野，但唔知點解要左一份😂。份量好多，大概有6-7件，乸既厚肉，公既爽脆，加上洗得乾淨無腥味，都食得過既。手打墨魚丸好細粒，內有墨魚粒，有墨魚味，不過整得唔彈牙，比較