小王牛肉麵 (已結業)

做嘢做到攰，就想去旅行，未有假放，唯有lunch Time鬆一鬆！今日同事提議去小王，當去咗轉台灣喎，夠晒阿Q！一睇餐牌，又加左少少價。我哋兩個都想食半筋半肉麵🤔停一停，諗一諗，兩個人，一個叫牛肉麵，一個叫牛筋面，合體就係半筋半肉。有個朋友會後join😜對唔住！冇得遲嚟先上岸！佢自己一個要左碗半筋半肉麵，正正可以等我哋分辨下合體同佢個碗嘅分別。結果係：冇乜大分別！分別係=佢嗰碗貴＄6！哈哈哈！牛筋的確夠晒腍，但唔算入味。浪費左個湯底。牛肉中間夾住少少筋，味道唔錯！我哋全部要粗麵，有嚼口，但唔夠滑！（呢一刻掛住刀削麵！）至於飲品，當然叫咗珍珠奶茶。茶底冇某啲外賣連鎖店咁香濃，不過都算係香甜適中啦。食完晏，個旅行夢就完咗！又要繼續捱騾仔！