影片
更多
2018-06-23
181 浏览
＄258任食任飲嘅放題，難怪咁多人排隊等，一個價錢任飲任食，好抵食。刺身「甜蝦」雖然細細隻，但係食落去好鮮甜爽口，一次過食咗十幾廿隻。「帶子」好大隻，聞落去好新鮮，同樣地食落去好鮮甜，點少少豉油Wasabi都已經好夠味道。「手握壽司」同埋「軍艦」款式都多元化。「三文魚壽司」「帶子壽司」面頭有一點黑松露醬做點綴，細細件好的骰，食落口一啖就食晒，好味道。「海膽手卷」同樣地非常新鮮，有入口即溶嘅感覺，滿口都係香濃嘅海膽味道。「串燒」方面， 有我最鍾意嘅串燒蝦 ，蝦肉爽口而彈牙，食完第一串之後再order多好多串，果然新鮮即燒。除此之外，「牛舌」同埋「燒雞翼」都好好食，燒得恰到好處，而且好夠味道，必食之選。「燒羊架」同樣都係我至愛，燒得好香，而且一啲都唔「騷」，好大件啖啖肉，必食之選。最後食返啲蔬菜，分別有娃娃菜、南瓜、粟米同埋青椒等等清下腸胃，等個肚仔冇咁濟。太多款式食物不能盡錄，但都非常新鮮滋味。差點唔忘得提下呢度既飲品櫃，有幾個大櫃這麼多，款式多樣化，最特別是有這個果汁先生出產嘅蜜瓜椰汁露，樽裝上，好新穎，在一般其他的放題餐廳很少見到。除此之外，甜品仲有韓國雪條，仲要係唔同味道，另外仲有
＄258任食任飲嘅放題，難怪咁多人排隊等，一個價錢任飲任食，好抵食。
刺身「甜蝦」
雖然細細隻，但係食落去好鮮甜爽口，一次過食咗十幾廿隻。
「帶子」
好大隻，聞落去好新鮮，同樣地食落去好鮮甜，點少少豉油Wasabi都已經好夠味道。
「手握壽司」同埋「軍艦」款式都多元化。
「三文魚壽司」「帶子壽司」面頭有一點黑松露醬做點綴，細細件好的骰，食落口一啖就食晒，好味道。
「海膽手卷」同樣地非常新鮮，有入口即溶嘅感覺，滿口都係香濃嘅海膽味道。
「串燒」方面， 有我最鍾意嘅串燒蝦 ，蝦肉爽口而彈牙，食完第一串之後再order多好多串，果然新鮮即燒。
除此之外，「牛舌」同埋「燒雞翼」都好好食，燒得恰到好處，而且好夠味道，必食之選。
「燒羊架」同樣都係我至愛，燒得好香，而且一啲都唔「騷」，好大件啖啖肉，必食之選。
最後食返啲蔬菜，分別有娃娃菜、南瓜、粟米同埋青椒等等清下腸胃，等個肚仔冇咁濟。太多款式食物不能盡錄，但都非常新鮮滋味。
差點唔忘得提下呢度既飲品櫃，有幾個大櫃這麼多，款式多樣化，最特別是有這個果汁先生出產嘅蜜瓜椰汁露，樽裝上，好新穎，在一般其他的放題餐廳很少見到。
除此之外，甜品仲有韓國雪條，仲要係唔同味道，另外仲有名牌子雪糕杯，仲有我最鍾意嘅石板街雪條，就連甜品都咁多元化。食咗咁多野，仲要任飲任食，最後埋單都只係＄800左右，仲要係一人＄283，簡直係非常超值！
總結黎講，我一定會再黎，呢個價錢，呢個食物質素，完全是超值；而且座得舒服，沒有壓迫感。雖然是限時兩小時，但店員一般也不會強硬執行，如果沒有人等位，一般也不會堅決請客人離開，相信這一點對客人來說真的很重要。
张贴
