影片
更多
2017-11-06
157 浏览
＄189任食任飲嘅《旺角神戶屋日韓放題》，好抵食。刺身「甜蝦」雖然細細隻，但係食落去好鮮甜爽口，一次過食咗十幾廿隻。「帶子」好大隻，聞落去好新鮮，同樣地食落去好鮮甜，點少少豉油Wasabi都已經好夠味道。「手握壽司」同埋「軍艦」款式都多元化。「三文魚壽司」「帶子壽司」面頭有一點黑松露醬做點綴，細細件好的骰，食落口一啖就食晒，好味道。「藍鯨拖羅蓉軍艦」同樣地非常新鮮，有入口即溶嘅感覺，滿口都係香濃嘅拖羅碎味道。熟食「鐵板馬拉盞炒通菜」遠處都聞到好香嘅馬拉盞味道，通菜非常入味，有少少辣嘅味道，更為滋味。「燒羊架」同樣都係我至愛，燒得好香，而且一啲都唔「騷」，好大件啖啖肉，必食之選。「炸天婦羅大蝦」「牛肉海鮮鍋」都好好食，太多款式食物不能盡錄，但都非常新鮮滋味。「迷你心太軟」我哋即刻叫咗兩個試吓，估唔到水準同出面糖水舖嘅水準一樣，甜味剛剛好，而且有好濃郁嘅香濃朱古力味道，嚟到一定要試吓！除此之外甜品仲有韓國雪條，仲要係唔同味道，另外仲有雀巢雪糕杯，就連甜品都咁多元化。食咗咁多野，仲要任飲任食，最後埋單都只係＄400左右，仲要係一人＄200，簡直係非常超值！
＄189任食任飲嘅《旺角神戶屋日韓放題》，好抵食。刺身
「甜蝦」雖然細細隻，但係食落去好鮮甜爽口，一次過食咗十幾廿隻。
「帶子」
好大隻，聞落去好新鮮，同樣地食落去好鮮甜，點少少豉油Wasabi都已經好夠味道。
「手握壽司」同埋「軍艦」款式都多元化。
「三文魚壽司」「帶子壽司」面頭有一點黑松露醬做點綴，細細件好的骰，食落口一啖就食晒，好味道。
「藍鯨拖羅蓉軍艦」
同樣地非常新鮮，有入口即溶嘅感覺，滿口都係香濃嘅拖羅碎味道。
熟食
「鐵板馬拉盞炒通菜」遠處都聞到好香嘅馬拉盞味道，通菜非常入味，有少少辣嘅味道，更為滋味。
「燒羊架」同樣都係我至愛，燒得好香，而且一啲都唔「騷」，好大件啖啖肉，必食之選。
「炸天婦羅大蝦」「牛肉海鮮鍋」都好好食，太多款式食物不能盡錄，但都非常新鮮滋味。
「迷你心太軟」我哋即刻叫咗兩個試吓，估唔到水準同出面糖水舖嘅水準一樣，甜味剛剛好，而且有好濃郁嘅香濃朱古力味道，嚟到一定要試吓！
除此之外甜品仲有韓國雪條，仲要係唔同味道，另外仲有雀巢雪糕杯，就連甜品都咁多元化。食咗咁多野，仲要任飲任食，最後埋單都只係＄400左右，仲要係一人＄200，簡直係非常超值！
张贴
