嵐橋丼飯專門店 (已結業)

邊個話一個人唔可以食好東西！今日就自己黎左尖沙咀試下新開無耐既日本丼飯餐廳。menu上有好多丼飯選擇，花多眼亂。揀左好耐先決定要好豐富既特選海之幸丼。滿滿既材料完全將飯遮住，有最吸引既海膽，拖羅，三文魚，蟹肉，油甘魚，牡丹蝦，海饅，三文魚子，所有材料都好新鮮，啖啖都有幸福感。除左丼飯都要左兩串關東煮，一串白蘿蔔同炸蟹餅。白蘿蔔好甜，完全冇渣，夠哂入味。炸蟹餅好厚好有口感，而且幾彈牙，又唔會油膩。令到我好勾起喺日本便利店食關東煮既回憶。最後有碗麵豉湯，夠哂飽肚！