魚眾不同酸菜魚 (啟德一號) (已結業)

由於屯馬線嘅開通，近排小編同另一半去左啟德行下，嗰度都有好多新落成的住宅，行下行下有d累，我哋就去試咗一間食酸菜魚餐廳，通常兩個人食一個酸菜魚，我哋都食唔曬，不過呢度有得做一個人系列，咁就唔怕食唔晒，仲可以叫其他野試吓調tim 😉由於小編平時唔係好食有骨嘅魚😅，發現原來佢哋有得叫龍利柳，第一刻覺得超正，啖啖肉😛，今次我哋就叫咗個一個糸列-龍利柳老壇酸菜湯+豆腐皮+萵筍再配薯粉HKD$58，個酸菜魚份量都唔少，而且龍利柳d肉都好厚身， 萵筍片都好爽，兩個人share剛剛好，因為個肚要留返食另一樣嘢😋另外,我地仲做咗個煲仔飯Tim，就係招牌臘味煲仔飯HKD$62，個煲仔飯係即叫即做，一開蓋感受到佢嘅熱力😊，之後我哋加咗少少豉油，都已經好夠味，仲食到啲飯焦添，煲仔飯啲飯一粒粒好分明，好有口感，而且啲臘味都好多😋，真係好正😙P.S：由於嗰度附近餐廳唔係好多，所以我哋平日夜晚七點幾左右去到，都好多人，但都有位坐嘅😌