麻辣風雲 (荃碧大廈) (已結業)

之前同朋友食過呢一間四川川菜，已經深深咁烙下咗我心中美食記事本入面🤣但係因為搵唔到人同我一齊食嘅關係，就唯有自己一個叫啲小菜食頂住想食川菜嘅引😌自己一個食唔到好多嘢所以就叫咗其中三款呢間餐廳必食嘅小菜😁第一款係酸菜炒肥腸，酸味較多辣味較少食落夠鑊氣嘅肥腸，味道相當出色！酸菜京蔥蒜頭呢啲配菜連同肥腸一齊食冇咁單調之餘仲更香口😋相信肥腸是先煮到好淋，食嘅時候唔需要費勁👍🏼第二款係炸饅頭，炸饅頭嚟講真係必食之選，店舖用咗一隻由諸葛亮帶領嘅小船掛住麻辣風雲嘅旗，極為霸氣😍唔單止視覺嘅享受，炸饅頭更係味道嘅享受😎第三款係麻辣雞翼尖，我係一個好鍾意食雞翼尖嘅人！知道有麻辣嘅雞翼尖所以一定要食！店員好有心思將雞翼尖排好，望到嘅時候都唔捨得拆散佢哋😂雞翼尖好入味麻辣味好香，一定要試！