峇峇娘惹 (MOSTown新港城中心(4期))

係馬鞍山開左唔算好耐，一直無機會食因為成日排長龍。呢日有事放假走左去食個下午茶。

一去到無人排隊，以為有得直入。點知都滿座都係要等一等，不過好快5分鐘左右就入得。

叫左個常餐，有咖咉多士(甜甜地，又脆脆地都唔錯)，炒蛋(都滑，唔算好多油)，香茅骨美極麵(唔柴，得3舊，個麵比普通麵好食小小，但又無出前一丁好食，以為有美極鮮醬油嘅味，原來係無嘅!)，拉茶(夠甜夠奶，啲泡泡唔易爆，可以用羮筆入口)，+8元有參巴通菜(8元係抵嘅，又大碟，不過如果係炒應該會更香更惹味好食好多)

1