影片
更多
2008-10-15
97 浏览
今晚放左工, 屋企冇人煮飯, 又唔想去太遠地方, 於是到左屋企樓下的馬賽餐廳搞掂今晚呢餐。馬賽響新屯門商場開業接近十年, 成為呢度食店既中流砥柱。樓下的食肆見少賣少, 若然唔想食大家樂、百利甚至老麥的話, 馬賽就係新屯中居民唯一既落腳點。我自己間唔中都會幫襯呢間野, 多數係下午茶時段, 記得果陣20蚊一個飯加一杯野飲, 抵到爛。不過最近佢地既價錢暴升左, 差唔多要成廿幾三十皮先埋到單, 而且佢地煮出來既食物已經質素下降到谷底, 唯一好處係佢地的卡位夠多, 地方幽暗, 搭抬既機會較少 (除非遇到d食客硬要同你坐), 想靜靜雞歎一個飯, 呢度都唔算差。講番今晚呢個餐, 價錢為五十大元, 好貴啊！坐暖左個位, 向個阿姐揮手, 可能時間早, 佢好快過來招呼我了, 叫左個扒類套餐E, 我問個服務阿姐叫其他飲品得唔得, 佢話得但要加多八蚊, 我話加, 叫左個菠蘿冰試下。睇睇呢個餐連牛油餐包都冇, 唔係咁慳嘛老闆娘？ 五分鐘後, 餐湯到, 我次次去餐廳叫呢d餐都係要紅湯, 呢個湯冇乜湯料, 不過就夠熱, 可惜賣相麻麻。飲完湯, 再來杯餐飲, 呢杯野真係同地捫罐頭菠蘿一樣, 佢將菠蘿切粒擺底, 冰就放
我自己間唔中都會幫襯呢間野, 多數係下午茶時段, 記得果陣20蚊一個飯加一杯野飲, 抵到爛。不過最近佢地既價錢暴升左, 差唔多要成廿幾三十皮先埋到單, 而且佢地煮出來既食物已經質素下降到谷底, 唯一好處係佢地的卡位夠多, 地方幽暗, 搭抬既機會較少 (除非遇到d食客硬要同你坐), 想靜靜雞歎一個飯, 呢度都唔算差。
講番今晚呢個餐, 價錢為五十大元, 好貴啊！坐暖左個位, 向個阿姐揮手, 可能時間早, 佢好快過來招呼我了, 叫左個扒類套餐E, 我問個服務阿姐叫其他飲品得唔得, 佢話得但要加多八蚊, 我話加, 叫左個菠蘿冰試下。睇睇呢個餐連牛油餐包都冇, 唔係咁慳嘛老闆娘？ 五分鐘後, 餐湯到, 我次次去餐廳叫呢d餐都係要紅湯, 呢個湯冇乜湯料, 不過就夠熱, 可惜賣相麻麻。飲完湯, 再來杯餐飲, 呢杯野真係同地捫罐頭菠蘿一樣, 佢將菠蘿切粒擺底, 冰就放上面, 只係好似淡左味既糖水咁, 唔會再翻兜呢個野飲, 飲奶茶反而好好多。
個主菜到了, 響冇乜期望之下, 個扒好似煮得幾好, 可能佢夠牛油, 牛扒執邊果塊黃金脂肪真係食極都唔厭, 但塊牛扒較唔係淋, 好似趙緊瘦肉咁。我呢碟係跟意粉, 可惜個粉唔夠熱, 係暖的, 老闆娘唔係連媒氣費都慳嘛！仲有個扒既雜菜, d細蘿蔔咸到呢...好似響樽盬水度拿出來, 唔掂。我最怕食好大條既餐腸, 不過今晚呢條我覺得好食, 夠肚食哂成條。今餐我覺得貴左點, 一次兩次會覺得ok啦, 希望佢地繼續改善下d食物質素, 現在搞到連L2層的大家樂都跟佢地不相伯仲。
张贴
