籠太子點心專門店 (已結業)

見好耐冇嘆點心，一個人去酒樓感覺好奇怪，於是就去左我工作附近嘅銅鑼灣蘭芳道「籠太子」。貪佢可以靜靜地坐，一個人去都吾突冗。茶茗$3肯定係同區最抵。見是日例湯是「冬瓜薏米煲豬骨」$20就要一碗。原來份量相當大，等於平時的兩碗幾飯碗。標榜係冇加味精，所以味道都傾向清淡，都有少許湯渣，味道清清地反而幾啱夏天飲，消暑應該唔錯。籠太子蝦餃王 $16蝦餃肯定係即叫即蒸，非常之燙口。鮮蝦爽口彈牙和帶靭性的外皮成強烈對比，幾時都話即蒸點心系最正。蜜味叉燒腸$26腸粉皮較厚，幸好叉燒餡份是合比例，少肥多瘦，岩我。但味道較淡，加些甜豉油令香味提升不少。蜜汁叉燒包$22一籠三個叉燒包，一手拎起熱辣辣啊！打開叉燒包看到叉燒醬嘅色澤好吾吸引，餡料漿口，味道亦麻麻。