椒點 (已結業)

酸菜魚近來成為大熱，份量通常要3-4人先食得落，剛好呢日經過呢間椒點，呢度酸菜魚有一碗一人份量，一於試吓。店子雖小，格局都舒服。食物除咗酸菜魚之外，仲有干鍋，麻辣惹味小食。每款米線套餐指定可選兩款配菜。亦可三選一 選米線/飯/扭紋著粉。我哋點左：金湯酸菜魚米線，配菜：雲耳，豆卜湯可叫加酸，而辣度亦可因個人喜好自選。我點bb 辣，對於不太愛辣嘅我，酸辣度剛好唔搶。金湯濃而不咸，主角酸菜魚肉軟滑，沒有雪藏味。雲耳爽口，豆卜入味。蕃茄魚米線，配菜：娃娃菜，雲耳蕃茄湯底亦可選辣度，選了小辣，茄酸味剛好搭配，魚肉同樣軟稔。娃娃菜清甜好味，整個配搭好清新！飲返杯凍檸茶，要來解渴一流。食慣普通車仔米線 ，推介嚟呢度試吓特色口味兼抵食超值！