Doux (已結業)

一個人午餐，行來行去，唔知食咩好，巧遇樓下有姐姐派發傳單，午市套餐又幾吸引，於是上去18樓一試。上到去環境不錯，一幅幅大型落地玻璃，雖然景觀一般，但那開揚的感覺很是放鬆，牛扒一向我至愛，西冷8安士有沙律，湯及飲品，這個套餐都好抵食，牛扒叫5成熟，不需5分鐘湯及沙律便到。先講講湯及沙律，湯只是一般的不是太過突出，反而沙律有驚喜，新鮮，有香濃的沙律醋加小小小小辣味，好開胃，到主菜西冷牛，當然不是一級貨，但以這價錢來講絕對值，肉質有口感，肉汁是滿滿的加上獻汁上的配搭一流，唯一失手左變左7成熟，但不影響感覺，因我5成，7成，都啱。返而伴碟的薯蓉十分好味，如有得只叫薯蓉，我應該會叫一份來食。整體來說環境，價錢及食物質數都是中上，下次午餐又有多個選擇。