鳥山。商號 (已結業)

新開嘅cafe bookmark到食唔切🙈今日終於黎到位於紅磡近何文田地鐵站嘅「鳥山。商號」，一心想試佢嘅芋泥卷🥰先講餐廳環境係走清新路線，簡約唔花巧，埋邊有日式tatami位，近門口亦有玻璃窗台位，光線充足空間感大👍🏻最低消費一人一杯咖啡/飲品，原本淨係想食件cake都要加多杯飲品🙈《台式芋泥卷》 $45 4 / 5簡單精緻嘅芋泥卷，外層蛋糕蛋味香，唔甜，更加突顯到內層芋泥嘅鮮👍🏻芋泥好有質感，食到唔少芋頭粒👍🏻所以食晒成個都好飽肚🤣《士多啤梨蛋糕》 3.5 / 5唔係好記得個蛋糕名同價錢🙈係期間限定嘅士多啤梨蛋糕🍰 外表可愛，淺粉紅色好吸引🥰 蛋糕分左兩層，食落就偏甜，尤其是底層嘅餅底，糖水味都幾重🤨口感就唔錯好濕潤👍🏻整體而言最期待嘅芋泥卷冇令人失望，係好食嘅；但其餘蛋糕同飲品只係不過不失，以一件cake必須配一杯飲品黎講價錢亦偏貴😕