牛極 (好順利大廈) (已結業)

近期好流行呢種石燒牛扒店，主打日式自助石燒牛扒，人氣非常高企，喺唔同區嘅大小商場地舖開到成行成市😃今次食呢間牛極都唔例外，喺香港好多地方都曾經見過佢分店嘅縱影，呢一日就嚟到元朗雞地嘅分店！門口位置有一部自助販賣機，食客可以自選唔同部位、重量、種類嘅牛扒！餐廳劃好咗一個位置做自助吧，沙律、湯、白飯係任食~肉類方面，今次揀咗一份牛肩排👍一個人唔使食太大塊肉，呢個size好夠🤣呢一點絕對係石燒牛扒嘅好處，唔使驚食唔晒會浪費！牛肩排嘅肉質嫩滑，肉味濃郁😋建議大家燒一陣就好，唔使太耐，可以保持到肉汁🤪每張枱都擺咗3種調味粉，食客可以自行調味！加少少落去，睇得又食得！😜日式牛肉湯，都幾足料架！沙律菜，落少少千島醬夠晒吸引！