魚米 (已結業)

一個人，悶悶地，最岩食米線。食黎食去都係個幾間米線鋪。今次試一間特別 d，魚米。中午去食都幾爆場，幾乎全滿，要等5分鐘。入到去比佢原條魚上的米線吸引。但由於太大碗，怕食唔哂，叫左自制魚腐米線。佢地最出名係魚湯煮米線，所以我今次都無食酸辣湯。第一口，當然要飲一淡湯，湯味真係好鮮好甜，但個度鮮甜絕對唔係加味精的甜，再食個米線，比起其他某某米線鋪的米線更滑身，好彈牙，再咬一口魚腐，感覺有少少像魚肉球的感覺，好彈牙，輕微炸過一下，口感更香口。成個米線唔需要加任何調味料都好好食真係好難得，你會從口中感受到當中何謂鮮甜，唔會有魚腥味。