新齋橋 (已結業)

—-♡♡♡📍 新齋橋 (觀塘)觀塘駿業街58號電訊數碼大樓1樓係朋友介紹先知道原來觀塘多咗間燒肉店，而且地方都幾就腳同埋價錢又唔貴咁就去試吓啦😹！店舖都幾闊落， 而且位置都幾多，所以無論係獨食定係一班朋友一齊食都冇問題😂~ 另外因為係套餐嘅關係，裏面就已經包含咗白飯味噌湯沙律汽水及甜品，所以一定會夠飽嘅😎！如果未夠飽嘅話就可以再追加啦😛～🍽️牛小排+五花腩+雞腿肉-定食呢款嘅套餐包含咗三款嘅肉類🤩，包括就係牛小排+五花腩+雞腿肉；依家仲會送牛舌芯，變相就有四款唔同嘅肉類啦🤭🤭，所以覺得性價比都幾高㗎！ 每款嘅肉類肥瘦均勻，而且仲有雪花嘅添，睇落都幾吸引㗎～ 燒出嚟嘅時候好多肉汁😍，加埋個白飯就真係好正啊～🍽️特上美國西冷扒 定食另一個套餐就叫咗特上美國西冷扒，呢塊嘅西冷扒都幾大塊㗎🤩，而且有一定嘅厚度🤤，所以食落嘅時候就比較有口感同咬口🤭，而且牛肉味勁重，啱晒食肉獸啊😈！