燒肉 DON DON

营业中

休息中

一人開餐成日都係茶記，以前燒肉要二人先開爐，而家唔使啦，多左好多一人燒肉店，真開心。今日去旺角呢間燒肉店，店面好大，好多枱，一大班人嚟食都無問題，就算一人Bar枱都好闊落，叫多幾碟都夠位擺。套餐最平由$48-$285，由普通牛到和牛都有。自助點餐或櫃枱職員點餐，先付款後送餐，不收加一。今日點左個五花牛套餐100g，感覺唔夠肉，又唔想食豬五花，最後決定單點個豬頸肉100g😆。套餐除左肉，有珍珠米，和風湯，沙律/泡菜。其實$48一個set仲要唔使加一幾抵，又可以過下燒肉癮。🐮五花牛套餐100g $48一般肥牛feel，牛味淡，正常質素。🐷豬頸肉100g $42豬頸肉建議慢慢燒，燒到兩邊金黃，咬落脆口，又可以燃燒下佢啲脂肪😆。🥣和風湯一般都係麵豉湯，所以無興趣打開。食到甘上下先記得，飲落有啲似番茄薯仔肉湯，唔錯。🌟店舖好注重食物安全，建議用燒肉夾夾生肉，筷子夾熟肉，大家記住啦📝。🤫題外話：一般男士建議份量150-250g；胃口較少的建議100克。我點左200g😳，原來我係一個正常偏大食嘅男人💪🏻😂。