新齋橋 (已結業)

見到公司附近開左間日式烤肉，見網上介紹係食一人烤肉，咁大個女真係試過一人烤肉體驗，所以今日近近地去試下。上到去環境不錯，地方勁大，裝飾好有日本的感覺。侍應帶左我地去單人燒肉bar台坐。我覺得個體驗一係好特別，一人一個爐，對住牆，就算只有一個人去食烤肉都唔怕尷尬。餐牌上有好多唔同肉既部位選擇，有牛,豬同雞。我地都揀左牛肉，但分別兩個唔同部位: 極上牛小排同牛板腱肉。極上牛小排肥瘦均勻，牛味好出，牛板腱肉既肉汁就比較多，同有咬口，各有各好味之處。餐廳提供三個味道既燒汁選擇，我地三個味都試晒，我覺得蒜味比較出色。套餐仲包括左沙律、味噌湯、白飯、汽水及甜品。食完我地都好滿足~