魚眾不同酸菜魚 (啟德一號) (已結業)

我好鍾意食酸菜魚，不過好多時因為怕食唔晒就冇叫，早排聽朋友講呢間魚眾不同有一人份酸菜魚而且又近我屋企，所以趁晚飯時同呀妹去食下。餐廳環境設計採取海洋色系同好多魚鱗圖案，主題相當特出，一睇就知係食魚嘅專門店🐟我地叫左一碗老壇酸菜生魚片，一碗青花椒酸菜生魚片，配兩杯特飲青蘋果梳打同利賓納梳打，梳打特飲都幾大杯，甜甜地又夠凍可以解辣，就算唔太食得辣都唔怕。老壇酸菜生魚片配萵荀腐皮米線，萵荀又嫩又爽口，米線粗幼適中，同老壇酸菜魚帶濃厚蒜味嘅湯汁好夾；青花椒酸菜生魚片配蘿蔔腐皮薯粉，蘿蔔吸晒青花椒湯非常入味，煙煙韌韌嘅薯粉同酸菜魚嘅配搭本身就已經冇得輸，兩碗生魚片亦都好足料，魚肉爽滑細嫩，但最驚喜係格狀腐皮，保證每一啖腐皮都包滿鮮味湯汁，腐皮多到好似一碗酸菜魚有兩款麵咁，好好味😋睇返一人份系列餐牌仲有好多款湯底同主題可以配搭，一定會再黎試晒佢💙