湯•米 (已結業)

天氣凍，想食啲熱嘢，見到呢間餐廳咁多人潮，所以又試下。因為餐廳唔算大，所以座位比較少，好彩早一步，之後都要排隊了。鍋嘅選擇都算多，不過食材都大同小異，我自己就揀咗個招牌臭臭鍋配滷肉飯。都幾足料，舊豆腐都真係特別有味道。屋企人揀咗個沙嗲牛肉鍋配粉絲，個湯好惹味！覺得佢啲牛肉片幾好食，所以額外加咗一碟，都只係$36 ，好抵！本身好想試吓佢嘅珍珠奶茶，可惜賣晒，所以就試吓佢嘅奶蓋茶，茶味夠濃，奶蓋夠Creamy夠香。最後，食台灣嘢又點少得鹽酥雞扒，佢皮薄肉滑，炸得好香脆。