最想吃 (已結業)

午市90分鐘任飲任食和牛火鍋放題🍲灣仔呢間火鍋店一人一鍋 每人可以揀自己想要嘅湯底😉餐廳整體空間位置都坐得幾舒服 環境乾淨企理除左火鍋之外 仲有午市定食 望落去都相當吸引～.🔸澳洲M6和牛放題套餐 $248/人🔸午市有分三個價位的火鍋放題 最平低至$148 最貴都只係$248🙆🏻‍♀️總共有5款湯底 今次同朋友分別試左美顏花膠鍋同日式海帶豆腐鍋花膠鍋比較清淡 而海帶豆腐鍋就有點似壽喜燒 唔蘸醬汁都好夠味！.肉類方面提供以下嘅款 全部任點！▪️澳洲M6和牛▪️頂級黑牛肩脊▪️特級雪花牛板腱▪️極上安格斯牛小排▪️日本黑豚腩肉▪️日本豚肉.肉類全部薄切咁上 全部都有雪花紋絡 食落頗有牛味 ❤️雖然同日本和牛比就點都爭啲 但以呢個價錢黎講真係無得挑剔！多款肉類相比當然係澳洲和牛M6最好食架 encore左好多次 😝.其他配料方面就大推芝士豆腐✨飲品選擇都幾多元化 除了韓國飲品仲有自家製嘅健康飲品🥰最後仲有韓國水果雪條做甜品 超滿足💕