8鍋臭臭鍋 (金巴利道) (已結業)

今日黎到韓國街但我地唔係黎食韓國野.反而揀左間台灣野！皆因貪佢呢度有得一人一個鍋，可以自己揀自己鐘意食既野！😀星期日都幾full，好彩唔洗等好耐就入得！一人鍋有9款俾我地揀，每款既配料都唔一樣。仲可以額外追加火鍋料添。每個鍋，都配飯/粉絲。除左火鍋之外，仲有小食，台式飲品。選擇都多！而我就叫左呢度招牌臭臭鍋🥘小辣。一黎度一陣陣又香又臭既臭豆腐味！愈臭就愈正！😂火鍋配料都好豐富，放到滿一滿！主要配料有：白豚肉，臭豆腐，貢丸，米血糕，大腸，嗚門卷等等。一直用細火滾住，熱辣辣！😁湯底非常惹味，辣度岩岩好。而且好入味，唔需要再沾醬汁也可！配上粉絲相當正，吸唒辣湯精華！食哂成個鍋都夠哂飽！枝竹，金菇，娃娃菜朋友就叫左：藥膳羊肉🥘濃郁既藥膳湯底，非常香濃足料。而且更加有少少的羊羶味，令到湯更調出味來！羊肉夠嫩，食落煙煙韌韌！配料與臭臭鍋不同，多了 海蜆，油豆腐，鱈魚丸，蓮藕，粟米，冬菇等等。藥膳湯底愈食愈熱，好滋陰🤤叫左杯凍既招牌奶茶🍹茶味夠香濃，不會太甜。味道又幾岩我！香芋奶茶：淡淡的香芋味為奶茶加多點甜味。大大杯。又幾好飲。