影片
更多
2014-01-17
147 浏览
「上篇」介绍过两款奶奶鸡：辛安东元祖奶奶鸡及釡山鲜蚝奶奶鸡，「下篇」再继续分享其他富特色嘅韩菜，有冷盘、小食、主菜！晌点菜纸上，见到菜名旁边有「鸡」公仔商标 ，就表示喺厨师挨介，如果无乜心水想食乜，大可以按此作参考。先讲讲冷盘啦，冷盘一共有7款选择，单睇菜名都已甚觉特色，而「辣椒」公仔多寡 ，就概略知其辛辣程度。由于整个菜牌好多嘢我哋都想试，所以冷盘就只拣「胶原蛋白沙律」一样。 胶原蛋白沙律 $58 以罗马生菜、车厘茄、红灯笼椒、洋葱为沙律底，捞上胡麻醋汁，清爽酸香，晌一片辛辣中成为一道「爽口」清泉。胶原蛋白又喺乜家科？查实喺加入爽口不腻嘅猪手肉而已，配以粗糙石碗盛上，别具雅致 。似乎小食喺大家嘅兴趣所在，19款小食我哋就拣嚟当中4款齐品尝，不过，有食友可大胆，之前都讲我哋都无乜边个食得辣，但都够胆点上一道有3只「辣椒」公仔嘅厨师挨介「芝士地狱薄饼」，咁唯有齐齐落地狱试试依个薄饼有几辛。此外，仲点咗年糕、豚肉及牛肉3款小食。 芝士咖喱年糕 $48 先试嘅小食喺依个年糕，卖相跟点菜纸个样有少少出入，不过眼前依个以黄色小瓦砵盛载嘅年糕，面层烘得溶溶嘅芝士，卖相更吸引。韩式炒
晌点菜纸上，见到菜名旁边有「鸡」公仔商标 ，就表示喺厨师挨介，如果无乜心水想食乜，大可以按此作参考。先讲讲冷盘啦，冷盘一共有7款选择，单睇菜名都已甚觉特色，而「辣椒」公仔多寡 ，就概略知其辛辣程度。由于整个菜牌好多嘢我哋都想试，所以冷盘就只拣「胶原蛋白沙律」一样。
胶原蛋白沙律 $58
以罗马生菜、车厘茄、红灯笼椒、洋葱为沙律底，捞上胡麻醋汁，清爽酸香，晌一片辛辣中成为一道「爽口」清泉。胶原蛋白又喺乜家科？查实喺加入爽口不腻嘅猪手肉而已，配以粗糙石碗盛上，别具雅致 。
似乎小食喺大家嘅兴趣所在，19款小食我哋就拣嚟当中4款齐品尝，不过，有食友可大胆，之前都讲我哋都无乜边个食得辣，但都够胆点上一道有3只「辣椒」公仔嘅厨师挨介「芝士地狱薄饼」，咁唯有齐齐落地狱试试依个薄饼有几辛。此外，仲点咗年糕、豚肉及牛肉3款小食。芝士咖喱年糕 $48
先试嘅小食喺依个年糕，卖相跟点菜纸个样有少少出入，不过眼前依个以黄色小瓦砵盛载嘅年糕，面层烘得溶溶嘅芝士，卖相更吸引。韩式炒年糕一向都颇啱食，加入咖喱汁，再放芝士焗，真喺「卖飞弗」。年糕烟韧有咬口，咖喱微辣，惜不及印度嘅香，但丝丝芝士嘅补救，整体味道都喺不俗 。
冰珀豚肉 $58 名字改得有型，不过悟唔出佢喺乜，不过一睇英文翻译你就大概知：Steamed Pork with Spicy Garlic Sauce。整碟豚肉被酱汁遮晒，一拨开，登时哗哗声 ，皆因豚肉肥到无朋友，小弟一向视胆固醇如无物，就由小弟做炮灰先试为快。首先，个蒜汁几辣，但就几香，而豚肉以韩国五花腩蒸煮，把肥油逼出，加上腩片切得非常透薄，所以卷上葱丝、蘸满辛香酱汁，肥腻感出奇地唔重㖞 。
和牛生菜包 $88 第3个试嘅小食就喺和牛生菜包，卖相的骰精巧，生菜之上，有盐烧和牛、辣泡菜，沾啲韩式辣酱，集清爽、柔嫩、爽脆嘅口感于一身，味道就浓香与辛辣嘅对衬 ，虽然唔喺厨师挨介嘅菜式，但小弟就认为值得挨介 ！
芝士地狱薄饼 $48 最后分享嘅小食就喺全个餐牌只有佢获得「3椒」级数嘅薄饼，咪睇佢个样和和善善，入口就知有几大杀伤力，佢「内心」有几「地狱」。批底极之薄，极之脆，批馅喺免治辣猪肉，再加上芝士，做得细细件，三两口就搞掂一件，不过辣猪肉馅果真「3椒」级，炽热嘅辣味直冲入喉咙 。
讲到主菜类，亦都有唔少想试菜式，虽然话主菜，除咗个烧鳗鱼，其余7款定价又唔算特别贵，有啲同小食个价钱差唔多，如果唔喺分咗类，真喺易将两者沟乱。真露煮大蚬 $68
煮大蚬有两款：辛汤煮或真露煮，真露即喺韩国烧酒，真露煮大蚬就变得似喺西菜嘅白酒煮大蚬。个菜最大亮点喺个外观，因为大蚬以铜壶呈上，食完蚬，又方便倒出真露清汤享用。蚬只唔喺好大，肉地薄，鲜味一般咁啦，但都带有微微酒香。
烧原条鳗鱼 $148 原条鳗鱼清烧，无加入任何腌料或涂上酱油，烧得带点金黄，生熟度啱啱好，皮脆肉香，油香嫩滑。随鳗鱼附上酱油、韩式辣酱、泡菜和一小篮生菜，想点样配搭悉随尊便，以生菜包住鳗鱼，再沾点韩式辣酱，个人觉得最好食 。
板烧牛肋骨 $88 较为传统嘅韩国牛肋骨菜式，叫此菜纯粹试试依度牛肋骨嘅水准。牛肋骨睇嚟光泽不俗，衬以炒洋葱、秀珍菇垫底，吸收咗肉汁都变得好味啲；而牛肋骨肉味挺浓，肉汁丰盈，只喺松软度差咗少少。
朵朵葱蛋拌饭 $58 饭面类一栏我哋无拣到，因为店长推介咗一款招牌拌饭，石头锅饭之上，简简单单有葱花、洋葱粒、紫菜碎，中间放有一只半生熟温泉蛋，将所有材料捞匀就食得。饭粒中有蛋汁香，又有清新爽口嘅感觉，又够热辣，底下仲有点饭焦，真喺滋味有惊喜 。店长仲教路，不妨将奶奶鸡嘅酱汁加入饭内，保证滋味更上二层楼。
新年伊始，就同一众食友叹咗餐美味而有特色嘅韩国菜，真希望好味年年，年年好到尾 ！
张贴
