甜心園 (已結業)

行左半段元荃古道落到黎深井，本來想食番個馳名燒鵝先鬆人，但天氣太熱，岩出完一身汗又唔想食油淋淋既燒鵝；而且一行2人食燒鵝似乎只能獨沽一味，無得試多幾樣野..search到呢間可以有一人下午茶餐既點心鋪，同酒樓係相連的，專做少人／落場小生意。A款（吸引D）＋B款（普通D）各一款都係$32蚊咋！加埋個熱飲都唔洗＄40蚊！兩個人叫2set岩岩好可以試4款點心，開心開心～店內人少，真係即叫即蒸，等左大概15分鐘倒，都合理既～先黎馬拉糕同燒賣：馬拉糕鬆軟，唔會好甜，切到底會易分D不過2個人食無乜所謂；燒賣俾9個讚佢！大大粒，豬肉飽滿，用瘦肉多，唔會肥到成粒都係油；蝦肉都好味，唔係雪藏果D‘脆身’蝦！熱辣辣食好好味～跟住黎埋珍珠雞，糯米軟糯，吸晒D肉既味，仲加左半粒咸蛋黃，好味～前3樣分數都唔錯，但係粉粿拉低晒average... 1）痴身，粉粿個身既皮太薄唔夠煙軔，好易穿，上面又包得太厚，；2）D餡得花生（好硬）／馬蹄／蔥／少量9菜同一D打左茨粉既一pat肉碎？唔知點形容，總之D餡唔夠，overall食落無乜味。餐茶我地叫左檸茶檸水，都乾淨的起碼唔會見到D果皮既蠟浮面，食完點心飲D檸檬即刻消滯去