潮洲滷 (已結業)

店內地方唔大, 只設外賣服務。滷味選擇多, 除咗有招牌滷水鵝及滷水鴨之外, 仲有豬耳、豬大腸、豬頭肉、鵝腎、油雞等等, 仲有經濟嘅滷水飯盒供應, 款款都好吸引呢!今晚外賣咗一隻雞、滷水鵝肝、滷水蛋及紅腸返屋企加餸~ 整體水準唔錯👍🏻油雞睇頭十足, 份量好多! 滷水嘅香味逼晒入雞肉當中, 醃製得夠入味。雞肉肉質好嫩滑, 雞皮軟滑, 蘸點薑蔥蓉食, 更有風味~ 滷水蛋入味, 蛋黃軟綿; 紅腸質地爽滑。滷水我鵝肝質感軟滑香口之餘, 加上滷水汁嘅調配, 真係好好食😋! 呢個可以encore!!另外會附上滷水汁, 滷水醬汁唔會太鹹, 能提升滷水食物嘅味道層次。啲薑蔥蓉用嚟撈飯都好正!