仲要入到去發現同場有韓國人顧客😎
🥗前菜：有三款 加泡菜 好啱開頭好肚餓嘅時候食🤣
🦐醬油蟹&醬油蝦套餐 $228 (另加一)
原來午市套餐都有得揀醬油海鮮😳超抵
一隻蟹 三隻蝦 全部好入味 但係唔係得醬油嘅鹹 仍然好濃鮮味 仲有檸檬嘅清新 必點!!
🦑海鮮煎餅 $148 (另加一)
超大份(*_*)而且厚身 係4人分量
材料遠遠多過粉漿😌加埋酸甜醬汁 好推薦呢個
🍜牛肉炒粉絲 $128 (另加一)
調味好好😆唔會太重口味
粉絲彈牙 牛肉唔韌 洋蔥好甜
配料同粉絲又係幾乎1：1 好足料
🧀Bingo特製紫菜包飯 $80 (另加一)
食落第一個感覺係 好芝士😍
睇外表直程唔發現有芝士 但係原來超濃味
頭尾兩舊一定係最好食😎
🍊西柚特飲 $42 (另加一)
估唔到呢個都有驚喜 平時嘅西柚飲品都係少少酸酸地
但係呢個有埋西柚嘅甘味(?) 好鍾意!
不過好似蠢咗 後尾發現跟餐嗌會抵啲🤣
食韓國菜最緊要係叫多啲人😂今次失策 飽死 仲有好多嘢要下次先食到
