22° North (已結業)

受住疫情🦠嘅影響，家陣好多餐廳嘅入座率都大減📉，就連平時假日人山人海👫🏻👫🏻嘅愉景灣，都變得水靜鵝飛。今次趁住星期日就同朋友過嚟食個晏，輕鬆休息一吓😌！無嚟愉景灣都應該有成年多，以前好鍾意去沙灘附近嘅餐廳食飯🍽，不過次次都要等好耐。今次嚟到完全唔同，間間餐廳都只得一、兩枱客，情況令人擔心😞。
.
喺朋友建議吓嚟咗呢間食西餐🍴，好耐無食生蠔🦪，咩都唔叫住，先嚟半打先($190)😛，可能阿叔依然鍾情於尖東嗰間生蠔專門店，呢間嘅鮮甜度尚可以，不過未夠肥美，可叫可唔叫😅。
.
#牛扒薯條($265)，阿叔最鍾意食三成熟嘅牛扒🐮，不過今次over咗，差唔多有七成熟，雖然肉味夠濃，不過太熟，有啲韌😅！最好食反而喺配菜薯條🍟，新鮮熱辣，炸得夠香脆！☺️

1