影片
更多
2024-04-17
72 浏览
【Nara Thai Cuisine | 泰国嘢？沙田都有！】最近天气时冷时热，食吓泰国嘢好似开胃啲，今晚嚟到沙田Nara Thai Cuisine!食咗咩？🇹🇭炸虾片每枱都有嘅前菜小食，卜卜脆非常之香口。..🇹🇭杂菜椰子汤用明火㷫住嘅铜小锅装好，锅细细，两个人食份量好好，杂菜种类都几多，够爽甜，而汤底椰子味唔系几浓，但口感几滑，我几钟意呢味菜。..🇹🇭烧猪颈肉配青木瓜沙律激赞！比想像中大份1倍，一心谂住系沙律前菜阵容，点知系大堆头级，猪颈肉两个人食多咗啲啲，会食唔落其他主菜（我今日就系咁了），我谂4人都够食。青木瓜丝沙律都几清新，仲有少量菜伴碟，可以自己DIY变成生菜包食。..🇹🇭芒果软壳蟹米纸卷软壳蟹炸得好惹味，芒果酸酸甜甜几开胃，用红萝卜丝生菜等包住，健康嘅感觉。..🇹🇭热班兰龙眼蜜天气冻唔想饮冰冰，可以饮呢杯热嘅班兰龙眼蜜滋润吓。龙眼蜜味好香，仲有少少班兰味，其实几特别。.今次两个人战斗力薄弱，下次约大班人嚟食，可以食多啲不同嘅款式呢。💚特设素食餐单，啱晒素食朋友🥬
最近天气时冷时热，食吓泰国嘢好似开胃啲，今晚嚟到沙田Nara Thai Cuisine!
食咗咩？
🇹🇭炸虾片
每枱都有嘅前菜小食，卜卜脆非常之香口。
.
.
🇹🇭杂菜椰子汤
用明火㷫住嘅铜小锅装好，锅细细，两个人食份量好好，杂菜种类都几多，够爽甜，而汤底椰子味唔系几浓，但口感几滑，我几钟意呢味菜。
.
.
🇹🇭烧猪颈肉配青木瓜沙律
激赞！比想像中大份1倍，一心谂住系沙律前菜阵容，点知系大堆头级，猪颈肉两个人食多咗啲啲，会食唔落其他主菜（我今日就系咁了），我谂4人都够食。
青木瓜丝沙律都几清新，仲有少量菜伴碟，可以自己DIY变成生菜包食。
.
.
🇹🇭芒果软壳蟹米纸卷
软壳蟹炸得好惹味，芒果酸酸甜甜几开胃，用红萝卜丝生菜等包住，健康嘅感觉。
.
.
🇹🇭热班兰龙眼蜜
天气冻唔想饮冰冰，可以饮呢杯热嘅班兰龙眼蜜滋润吓。龙眼蜜味好香，仲有少少班兰味，其实几特别。
.
今次两个人战斗力薄弱，下次约大班人嚟食，可以食多啲不同嘅款式呢。
💚特设素食餐单，啱晒素食朋友🥬
张贴
